Charta qua Constabulus dat monasterio Cluniacensi res suas in villa Conflans.
Domino Deo et sanctis apostolis Petro et Paulo et donno Maiolo abbati et monachis sibi subjectis. Ego, in Dei nomine, Constabulus dono unam vineam sitam in pago Matisconensi, in agro Evoriacense, in villa Conflans; quę terminatur a mane terra Girbergę et infantum suorum, a sero Sancti Petri, a circio Airici. Dono etiam quę habeo vel habere visus sum in campis, pratis, silvis, aquis, omnia in omnibus; et faciant quicquid voluerint. Qui autem contradixerit, auri
libram componat, et inantea hęc carta firma et stabilis permaneat, stipulatione subnixa. S. Constabuli, qui fieri et firmare rogavit. S. Eldegrimi. S. Godonis. S. Letbaldi. S. Ayrici. S. Constabuli. S. Tetaldi. S. Martini. S. Ascherii. Ego Adalbertus scripsi die dominico, mense octobri, anno XIIII Lotharii regis.